Teacher ke baareme (Ehteraam me khade hona chahiye ya nahi?)

                                               *Daily Hadees*

SAWAL: Kya jab Teacher class me aye to hame Ehteraam me khade hona chahiye ya nahi?

JAWAB:  

 Hamare Schoolon me aksar ye rewaj paya jata hai, Jab koi

 teacher class me dakhil hota hai to bacche Adab o Ehteraam

 me khadhe hokr uska istaqbal krte hn, Teacher apni Jagah 

baith jata hai aur jab tak bacchon ko baithne k liye nhi bola 

jata tab tk vo khade rahte hn, Goya ki Teacher ki Aamad pr

 puri Class Qiyam E Tazeem karti hai, Aur jo Bacche uski 

pabandi na karen Yani Teacher ke aane pr Tazeemi Khada na 

hon Ya apni Marzi se jaldi baith jaye to vo Teacher ka 

Nafarman, Be-Adab, Saza ka mustahiq samjha jata hai . 

 Aur isi trah Jab Assembly hoti hai to Qaomi Tarana padha 

jata hai to School ke Sare log Teachers ho ya Students sabki 

sab usme shamil hote hain aur Attention khade ho kr 

 “Surah Al Baqrah Ayat:238” ka manzar pesh karte hn aur ye 

sab Baqayedah Ordinance ke zariye karaya jata hai.

Ye baat wazeh rahe upr zikr ki gai dono Qiyaam bilkul Gair 

Islami hai aur Qat’an biddat pr mabni hai lehaza isse bachna 

zaruri hai.

Musalmano ne jo school khola hai usme bhi Gair Muslimon

 ki is rawish ko baqi rakha aur ispr tawajjo na di, Aur is 

masale pr zyada koi Gaor o Fikr nhi karta Ya ye ki isko Nazar 

andaaz kiya jata hai jabki kisi ke liye ehteraaman khada hona 

Nabi ﷺ isko NAPASAND karte the aur Yahan tak Aap ﷺ ne 

farmaya jo ye pasand kare ki mere liye log khade hon vo apna 

thikana jahannnam bna le.

Aur kyu kisi ke liye khade hoya jaye?

Kya Nabi ﷺ se bhtr is duniya me koi tha?

Sahaba Ikraam RaziAllahu Anhum Ajmaeen Aap ﷺ ki Tazeem me kabhi khade nhi hue.

Zra is hadees pr Gaor karen Nabi ﷺ ke liye Shahaba 

RaziAllahu Anhum Ajmaeen Kyu nahi khade hote the…

Hazrat Anas RaziAllahu Anhu ne Farmaya: “Sahaba Ekraam 

ko Nabi ﷺ se badh kr koi shaks mahboob na tha, lekin iske 

bawajood vo loog Nabi ﷺ ke aane pr khade na hote the Q ki 

vo jaante the ki Nabi ﷺ isko Napasand krte hn.”

 SUNAN TIRMIZI JILD 4, PAGE 387, HADEES 2754 [SAHIH]

Aur ab zra Nabi ﷺ ke is farmaan pr bhi Gaor karen

Hazrat Mavia RaziAllahu Anhu se Rewayat hai ki Nabi ﷺ ne 

farmaya: “Jo Shaks apne liye logon ka khada rahna pasand 

kare use apna thikana Jahannam me bna lena chahiye.”